पोखरा । कञ्चन क्यापिटल आयोजनामा पोखरामा डायमण्ड (हिरा) का गहनाको मेला हुने भएको छ । यही १२–१९ भदौसम्म मोहरिया टोलस्थित क्रिस कञ्चन ज्वेलरीमा उक्त मेला हुने कञ्चन क्यापिटलका अध्यक्ष विमलमान गुभाजूले बताए।
पञ्चरत्न आभूषण प्रालि र कञ्चन ज्वेलर्ससँगको सहकार्यमा हुने मेला अवसरमा क्रिस कञ्चन ज्वेलरीमा डायमण्डको सोरुम उद्घाटन गरिनेछ ।

मेलामा डायमण्ड खरिदमा विशेष छुट दिइने गुभाजूले बताए । मेलामा हिराबाट बनेका फूल, औंठी, हार, टप, झुम्कालगायत गहना राखिने छ । ‘हामीले प्रत्येक वर्ष डायमण्ड मेला आयोजना गर्दै आएका छौं,’ उनले भने, ‘यो मेलाबाट डायमण्डको विशेषताबारे जानकारी गराउँदै डायमण्ड खरिदमा विशेष छुटको व्यवस्था गरेका छौं । यो पटक हामीले पोखरामै सोरुमको पनि शुभारम्भ गर्दैछौं ।’

यस अवसरमा कञ्चन क्यापिटलअन्तर्गत सबै शाखामा सुनचाँदीका गरगहनामा पनि विशेष छुट दिइने जनाइएको छ । हिराका गहना काठमाडौंमा बढी प्रचलनमा रहेकाले पोखरामा पनि उपलब्ध गराउन कञ्चन क्यापिटल लागिपरेको गभाजूले बताए ।