पोखरा । कास्की मोर्डनाइज्ड एकेडेमीले कक्षा ११/१२ मा अध्ययन गर्ने विद्यार्थीबीच अन्तरसदनात्मक वक्तृवकला प्रतियोगिता आयोजना गरेको छ । नेपाली र अंग्रेजी दुवै माध्यममा भएको प्रतियोगितामा चार सदनबाट ३÷३ जना गरी कुल २४ जनाले भाग लिएका थिए ।

नेपाली भाषातर्फ रातो सदनबाट लविसा खड्का, सेतो सदनबाट प्रतीक्षा सार्की, हरियो सदनबाट सुविच्छा हिराचन क्रमशः प्रथम, द्वितीय र तृतीय भए । अंग्रेजीतर्फ रातो सदनबाट सोयल कुँवर, सेतोबाट एलिसा श्रेष्ठ र सेतो सदनबार्ट नै नलिना पुडासैनी क्रमशः प्रथम, द्वितीय र तृतीय भए । नेपालीतर्फ निर्णायकमा शिवलाल उपाध्याय र भवनी लम्साल तथा अंग्रेजीतर्फ बोधराज गौतम र इन्द्र भुषाल थिए ।

संस्थापक प्राचार्य रामबहादुर मोचीले संसारमा गोलीभन्दा मानिसको बोली शक्तिशाली हुने हुनाले यस्तो प्रतियोगिताबाट विद्यार्थीहरुले आफूभित्रको भाव र रागलाई बाहिर ल्याई नाम र दाम दुवै कमाउन सकिने कुरा बताए ।

अध्यक्षताको आसनबाट बोल्दै सहप्राचार्य तथा प्लस टु को–अर्डिनेटर शिवलाल उपाध्यायले विद्यार्थीले केवल पाठ्यपुस्तक पढ्नु मात्र सिक्नु नभइ यस्ता क्रियाकलापबाट वास्तविक जीवन सिकिने कुरा बताए ।
नेपाली भाषातर्फ शिक्षक निरोज केसी र अंग्रेजीतर्फ शैक्षिक प्रमुख शिबु ढकालले कार्यक्रम सञ्चालन गरेका थिए ।