गैंडाकोट । लायन्स क्लब अफ चितवन वाङ्मयले गैंडाकोट ६ मा रहेको भाग्योदय प्राथमिक विद्यालयमा जगदीश–पार्वती स्मृति अक्षयकोष स्थापना गरेको छ ।

लायन्स क्लब अफ वाङ्मय चितवन अध्यक्ष सुजन अधिकारीले आफ्ना पिता जगदीश अधिकारी र माता पार्वती अधिकारीको स्मृतिमा स्थापना गरेको अक्षयकोषमा १ लाख ११ हजार एक सय रुपैयाँको रकम प्रदान गरेका छन् ।

लायन्स क्लब इन्टरनेसनल डिष्ट्रिक्ट ३२५ आर नेपालका डिस्ट्रिक्ट गभर्नर पिएमएमजेएफ दीननाथ न्यौपानेले बाबुआमाको स्मृतिमा पवित्रस्थान विद्यालयमा अक्षयकोष स्थापना गरेर पुण्यको काम गरेकोमा अधिकारीलाई धन्यवाद व्यक्त गरे ।

कार्यक्रममा प्रथम भिडिजी एमजेएफ लायन नवराज सापकोटा, द्वितीय भिडिजी एमजेएफ लायन प्रभाकर पण्डित, गैंडाकोट ५ का अध्यक्ष रत्नप्रसाद सापकोटा, वडा ६ का अध्यक्ष सुवास चापागाईं, विद्यालय व्यवस्थापन समितिका अध्यक्ष नारायण सापकोटा, प्राचार्य डिल्लीप्रसाद अम्बै, व्यवस्थापन समितिका पूर्व अध्यक्ष नरहरि सापकोटा शिक्षक अभिभावक संघ अध्यक्ष हिमलाल सापकोटा, लायन्स लिडर राजेन्द्र गौतम, कमलप्रसाद श्रेष्ठ, जगन्नाथ पुडासैनी, गोपालप्रसाद गौतम, पूरन थापामगर, गोविन्द अर्याल, देशबन्धु सिग्देल, हरिप्रिया रिजाल, प्रकाश सुवेदी, पुरुषोत्तम सापकोटा, क्लबका पूर्व अध्यक्षहरू ऋषिप्रसाद लामिछाने, सूर्यमणि शर्मा, मीरा तिमिल्सिना, रामहरि श्रेष्ठ क्लबका सेक्रेटरी बिदुर अधिकारी, ट्रेजर हिरामणि शर्मा, सल्लाहकार होमनाथ घिमिरेलगायत अधिकारीका परिवारका सदस्यको उपस्थिति थियो । २९ वर्षअघि सडक दुर्घटनामा मृत्यु भएका अधिकारी भाग्यदय प्राविका संस्थापक प्रअ थिए ।

लायन्स वाङ्मय चितवन अध्यक्ष सुजन अधिकारीको अध्यक्षतामा भएको कार्यक्रममा पूर्व अध्यक्ष सूर्यमणि रेग्मीले स्वागत र उपाध्यक्ष राजेन्द्र पौडेलले सहजीकरण गरेका थिए ।