पोखरा । पोखरा महेन्द्रपुलमा एप्पल कम्पनीको नयाँ आउटलेट खुलेको छ । पोखरामा खोलिएको शाखा काठमाडौं उपत्यका बाहिर पहिलो हो ।

काठमाडौं न्यूरोडमा सञ्चालित जोय स्टोर्सको नयाँ शाखारुपमा महेन्द्रपुलमा आउटलेट खुलेको एप्पल कम्पनीका आधिकारिक बिक्रेता जोय ग्रुपका प्रमुख कार्यकारी अधिकृति मेघराज आचार्यले बताए । उक्त ग्रुपले एप्पल कम्पनीका आधिकारिक उत्पादनमा उपभोक्ताको सहज पहुँचहोस् भन्ने हेतुले सेवा बिस्तार गरेको आचार्यले बताए ।

जोय ग्रुपका निर्देशक गुरू शर्मा तथा अध्यक्ष सागर ढकालले हालै महेन्द्रपुलस्थित नयाँ आउटलेट उद्घाटन गरे । जहाँ विभिन्न अफरसहित एप्पल कम्पनीका उत्पादन बिक्रीमा राखिएको छ । साथै, मर्मत, सम्भार तथा एसिसरिज पनि उपलब्धता रहेको जोय ग्रुपले जनायो ।