पोखरा, ७ भदौ । पोखरामा शुक्रबार स्कुल बस दुर्घटना भएको छ । दुर्घटनामा चालक घाइते छन् ।

पोखरा ८, नागढुंगास्थित न्यू मोडल मावि पढ्ने विद्यार्थीलाई स्कुलबाट घर छोड्ने क्रममा पोखरा १७, घारीपाटनस्थित हिमालय आँखा अस्पताल नजिकै दुर्घटना भएको हो । बस सडक छोडेर तल्लो बाटोमा रहेको ट्याक्सीमाथि चढेको छ ।

घाइते चालकको गण्डकी मेडिकल कलेजमा उपचार भइरहेको छ । विद्यार्थीहरु सामान्य छन् ।

गत १४ साउनमा बिरौटाको एलपी देवकोटा मेमोरियल स्कुलको विद्यार्थी बोकेको बस पोखरा २१, रामदीबाट विद्यालय फर्किदै गर्दा दुर्घटना हुँदा स्कुलका कार्यालय सहयोगी र उनका १ छोराको मृत्यु भएको थियो । दुर्घटनामा २८ जना घाइते भएका थिए ।