पोखरा । फिस्टेल एकेडेमी मावि, पोखरा र जापानको होक्काइडो युनिभर्सिटीका विद्यार्थीबीच सिकाइ अनुभव आदानप्रदान भएको छ ।

फिस्टेल स्कुलको निमन्त्रणामा बुधबार विद्यालय आएका जापानी विद्यार्थी हामार्क, माया, रिको, मोमोका र आयामीले आफ्ना अनुभव प्रस्तुत गरे । यस्तै, फिस्टेलतर्फबाट कक्षा १० देखि १२ सम्मका विभिन्न विद्यार्थीले आफ्ना अनुभव सुनाए ।

यस किसिमको सिकाइ अनुभव आदानप्रदानबाट दुवै पक्षको सिकाइमा सकारात्मक विकास हुने हुँदा आगामी दिनमा समेत यसले निरन्तरता पाउने कुरामा दुवै पक्षले प्रतिबद्धता व्यक्त गरे ।
टोलीकी प्रमुख किमुजोले शिक्षाले नै देशलाई समृद्धितर्फ लैजाने भन्दै फिस्टेल स्कुलले आईबिपिवाईपी पद्दति अवलम्बन गरेको तथा प्रोग्रेसिभ स्कुलका रूपमा आफूलाई सञ्चालन गरेकामा खुसी व्यक्त गरिन् ।