पोखरा । एक्सपर्ट एजुकेशन एण्ड भिसा सर्भिसेसले २१ औं वर्ष प्रवेश अवसरमा विविध कार्यक्रमसहित सप्ताहव्यापी कार्यक्रम गरिरहेको छ । मंगलबार आयोजित पत्रकार सम्मेलनमा संस्थाका म्यानेजर विष्णुप्रसाद गौतमले ‘सात दिन, सात कार्यक्रम’ गरी वार्षिकोत्सव मनाइरहेको बताए ।

गौतमका अनुसार प्यारेन्टस् वर्कशप, एस्से कम्पिटिसन शैक्षिक सामग्री वितरण, फुटसल प्रतियोगिता कार्यक्रम गरिएको छ । बुधबार वृक्षरोपण तथा सरसफाइ, वार्षिकोत्सवको मुख्य दिन रक्तदान कार्यक्रम र अन्तिम दिन इन्लाइटेन् एडु–द अल्टिमेट एजुकेशन एक्स्पो गर्न लागिए म्यानेजर गौतमले बताए । एक्सपर्ट वैदेशिक उच्च शिक्षाका लागि परामर्शदातृ संस्था हो ।

संस्थाका अनुसार उच्च शिक्षाका लागि विदेश पढाउन चाहने अभिभावकका लागि कार्यशाला गरिएको हो । माछापुच्छेको रुम्जास्थित हिमाली आधारभूत विद्यालयका विद्यार्थीका लागि शैक्षिक तथा खेलकुद सामग्री वितरण गरिएको एक्सपर्टका म्यानेजर तथा एचआरहेड सलि देवानले बताए । यस्तै पुम्दीभुम्दीमा गत वर्ष सारिएको बोटबिरुवा गोडमेलसहित पार्क सरसफाइ कार्यक्रम छ ।

बिहीबार सिग्नेचर कार्यक्रमरुपमा नेपालस्थित २३ ब्रान्चहरुले एकसाथ बिहान साढे ७ बजेदेखि रक्तदान कार्यक्रम आयोजना गरेका छन् ।

सामाजिक उत्तरदायित्वअन्तर्गत विद्यार्थीलाई सहयोग, रक्तदान, सरसफाइ, वृक्षरोपण कार्यक्रम राखिएको म्यानेजर देवानले जनाए ।

अन्तिम दिन एक्स्पोमा ४० भन्दा बढी युनिभर्सिटीका प्रतिनिधि सहभागी हुने म्यानेजर देवानले बताए ।

अष्ट्रेलिया, यूके, क्यानाडा, न्यूजिल्याण्ड, यूएसए लगायतका देशका लागि शैक्षिक परामर्श दिइने उनले बताए । शैक्षिक लोनका लागि प्रत्यक्ष परामर्श प्रदान गर्ने हेतु बैंकका प्रतिनिधिसमेत उपस्थित रहनेछन् ।

एक्सपर्ट पोखराका म्यानेजर रमेश बास्तोलाका अनुसार एक्स्पर्ट पोखराले जनवरीदेखि अहिलेसम्म ७ महिनामा झण्डै ७ सय विद्यार्थीलाई रोजेको गन्तव्यमा पु¥याउन सहयोग गरिसकेको छ । पोखरा ट्रेड मलस्थित एक्सपर्टमा यहाँ मात्रै ३५ जना कर्मचारी कार्यरत् छन् ।

अष्ट्रेलिया सिड्नीमा सन् २००३ अगष्ट ८ मा एक्सपर्टको स्थापना भएको थियो । एक्सपर्टका हाल २० देशमा ६० भन्दा बढी शाखा छन् । एक्सपर्टले शैक्षिक परामर्शसँगै आइईएलटिएस, पीटीई, स्याट लगायतका कक्षाहरुसमेत सञ्चालन गर्दै आएको छ । विद्यार्थीलाई गन्तव्य मुलुकमा रहेका शाखाबाट समेत सहयोग गर्दै आइरहेको बास्तोला बताउँछन् ।