पोखरा, २१ साउन । छोरा हराएपछि खोजीका लागि आमाले सहयोगको याचना गरेकी छन् ।
कास्कीको रुपा गाउँपालिका वडा १, फल्याङकोट घर भई हाल पोखरा ५, मालेपाटनस्थित धर्मस्थल स्कुल कक्षा ७ मा पढ्ने १५ वर्षीय दिपजल नेपाली ५ दिनदेखि बेपत्ता छन् ।

गत १६ साउन साँझ आफू कामबाट फर्किंदा छोरा डेराकोठामा नभएपछि उनले आफन्त, छरछिमेक, स्कुल परिवार सबैतिर खोजतलास सुरु गरिन् । तर नभेटिएपछि जिल्ला प्रहरी कार्यालय कास्कीमा निवेदन समेत दिएको आमा धारा नेपालीले बताइन् ।

कक्षा ७ मा पढ्ने दिपसन घरका जेठा छोरा हुन् । उनका भाइ छन् । बाबुले पहिले नै छाडेर गएपछि उनकी आमाले टेलरिङमा काम गरेर २ छोरालाई शिक्षा दीक्षा र पालनपोषण गर्दै आएकी छन् । नेपाली परिवार पोखरा नालाकोमुख, तेर्सापट्टी बस्दै आएको छ ।