पोखरा । नेपाली कांग्रेस कास्कीले राष्ट्रपति र संघीय सरकारका मन्त्रीसँग भेटघाट तथा छलफल गरेको छ ।

कास्की कांग्रेसले राष्ट्रपतिसहित मन्त्रीहरूसँग भेटघाट र छलफल गरी कास्कीको आवश्यकताबारे जानकारी गराएको कास्की कांग्रेसका सहसचिव नवीन सिग्देलले जानकारी दिए ।

कास्की कांग्रेसका सभापति किशोरदत्त बरालको नेत्तृत्वमा राजधानी गएको टोलीले कास्कीको सन्दर्भमा अन्तर्राष्ष्ट्रिय विमानस्थलसहित पर्यटन, स्वास्थ्य, शिक्षा, कृषि, विकास र बढ्दो महँगीबारेमा मन्त्रीहरूको ध्यानार्षण गराएको थियो ।

‘मन्त्रीहरूसँगको भेटघाट र छलफल निकै प्रभावकारी रह्यो, कास्कीको आवश्यकताबारे सरकारको ध्यानाकर्षण पनि गरायौं,’ सभापति बरालले भने, ‘भेटघाट र छलफलले निकट भविष्यमा उपलब्धि प्राप्त गर्नेमा आशावादी छौं ।’

नेपाली कांग्रेसका सहमहामन्त्री जीवनज परियार, केन्द्रीय सदस्य शारदा पौडेल, गण्डकी प्रदेशका कार्यवाहक मुख्यमन्त्री बिन्दुकुमार थापा, नेता सोभियत बहादुर अधिकारी, आनन्दराज मुल्मी लगायतको टोलीले टोलीले अर्थ, गृह, स्वास्थ्य, शिक्षा, पर्यटन, परराष्ट्र, उद्योग, सहरी विकास मन्त्रीसँग भेटघाट र छलफल गरेको थियो ।