पोखरा । वडा प्रहरी कार्यालय, बैदामको सक्रियतामा पोखराका विभिन्न स्थानबाट २२ जना सडक आश्रितको उद्धार गरिएको छ ।

पोखरा–४, ५, ६, र ९ का वडा एरियामा सडकका पेटीमा बसी माग्दै हिंड्ने, जोगीको भेष गरी हिंड्ने महिला, पुरुष, बालबालिका तथा भारतीय मुलुकका नागरिकलाई उद्धार गरी आश्रममा राखिएको छ ।

पोखरा महानगर समन्वयमा १० जना पुरुष मानवसेवा आश्रम हेमजा, ४ बालक बाल हेल्पलाइन अममरसिंह र ८ महिलालाई मानवसेवा आश्रम छोरेपाटनमा आश्रय दिइएको हो ।