पोखरा । बेलुन नेपाल प्रालि आयोजनामा पोखरामा आगामी पुसमा अन्तर्राष्ट्रिय हट एयर बेलुन फेष्टिभल हुने भएको छ । पुस १४ देखि १८ गतेसम्म ‘नेपाल इन्टरनेसनल बलुन फेष्टिभल’ को तयारी गरिएको हो । सोबारे पोखरामा बिहीबार सहयोग, समन्वय तथा अन्तरक्र्रिया कार्यक्रम भयो ।

अंग्रेजी नयाँ वर्षको स्वागतार्थ फेवाताल सिरान लौरुकदेखि चंखपुरसम्मको ३ किलोमिटर क्षेत्रफलमा फेष्टिभल हुने बेलुन नेपालका अध्यक्ष विक्रम वाडेले बताए ।

फेष्टिभलमा नेपाल सहित करीब ३० देशले बलुन प्रदर्शनीमा सहभागिता जनाउने छन् । बेलुनमा उड्न चाहनेलाई प्राकृतिक छटासँगै हिमालको दृश्यावलोकन गराइने छ ।

फेष्टिभलमा एकै पटक धेरै बलुन उडाउँदा त्यसको रौनक नै छुट्टै हुनुका साथै सांस्कृतिक कार्यक्रम समेत गरिने उनले बताए ।

कार्यक्रमस्थलमा विभिन्न खानाका परिकार, पिङ लगायत कार्यक्रम हुने इभेन्ट म्यानेजर प्रतीक्षा डंगोलले बताइन् ।