पोखरा । विन्ध्येश्वरी आदर्श बोर्डिङ स्कुल, मोहरिया टोलमा माविस्तरीय नेपाली हिज्जे प्रतियोगिता सम्पन्न गरियो ।

हिज्जे कार्यक्रममा धौलागिरि सदनबाट कक्षा १० की छात्रा अनिता बिक, कक्षा ९ का छात्राद्वय ममता गुरुङ, प्रशंसा सुनार प्रथम र अन्नपूर्ण सदनबाट कक्षा १० का छात्र शिशिर तिमिल्सिना, कक्षा ९ का छात्रछात्राद्वय आशिका देवकोटा र शिरिष बुद्धाचार्य द्वितीय भए । हिज्जेकर्ता नेपाली शिक्षिका माया क्षत्री थिइन् ।

विद्यालय प्राचार्य कृष्णकुमार श्रेष्ठ तथा सहप्राचार्य नीलकण्ठ पौडेलले विजेतालाई पुरस्कार तथा प्रमाणपत्र वितरण गरेका थिए ।

कार्यक्रम सञ्चालन अतिरिक्त क्रियाकलाप संयोजक राजु बयलकोटीले गरेका थिए ।