पोखरा । राष्ट्रिय संगीतकर्मी संघ कास्कीमा सुनिक गायक अध्यक्ष चयन भएका छन् । संस्थाको छैटौं साधारण सभा तथा तेस्रो अधिवेशनले गायकको अध्यक्षतामा नयाँ कार्यसमिति चयन गरेको हो ।

संघ प्रथम उपाध्यक्ष कपिल श्रेष्ठ, द्वितीय उपाध्यक्ष राजन सुवेदी, महिला उपाध्यक्ष गंगा परियार, सचिव प्रकाश रसाइली, कोषाध्यक्ष सोनिया कार्की खत्री, सहसचिव नवीन लामिछाने र सहकोषाध्यक्ष सचिन भट्टराई चयन भए । सदस्यमा सुजित परियार, किसु गुरुङ, रविन नेपाली, सूर्यबहादुर परियार, सुजन परियार, राज बराल, सीता सुवेदी, अनु विक र सागर रुम्बा सर्वसम्मत चयन भए ।

अधिवेशन उद्घाटन गर्दै राष्ट्रिय संगीतकर्मी संघ नेपालका अध्यक्ष प्रकाश कटुवालले संघसंस्थामा आवद्ध हुनु मात्र ठूलो कुरा होइन, संस्थाको हितमा काम गर्न सक्नु पर्ने बताए ।

राष्ट्रिय संगीतकर्मी संघ गण्डकी प्रदेश अध्यक्ष रामचन्द्र ढकालले गण्डकी प्रदेशका अन्य जिल्लाको तुलनामा कास्की र स्याङ्जा लोकगीतको उर्वरभूमि रहेको समेत बताए ।

संघका केन्द्रीय सदस्य ऋषिराम दाहालले कास्की शाखाको सचिव र अध्यक्ष पदमा रहँदाको अनुभव सुनाए । संस्थाका सल्लाहकार तथा स्वतन्त्र पत्रकार संघ कास्कीका अध्यक्ष कृष्ण रानाभाटले संघसंस्था संचालनका क्रमका बाधा व्यवधान आउने भएकाले सदस्यहरुले नेतृत्वलाई सधैं सल्लाह सुझाव दिदैं सहयोग पनि गर्नुपर्ने बताए । संघका कावा अध्यक्ष कपिल श्रेष्ठको अध्यक्षतामा भएको कार्यक्रममा स्वागत कोषाध्यक्ष हरिराज कोइराला र सञ्चालन सचिव सुनिल गायकले गरेका थिए । सो अवसरमा विभिन्न जिल्लाबाट आएका प्रतिनिधिले शुभकामना मन्तव्य व्यक्त गरेका थिए ।