पोखरा, १४ साउन । पोखराको बिरौटास्थित एलपी देवकोटा मेमोरियल विद्यालयको विद्यार्थी बोकेको बस कृस्तीमा दुर्घटना भएको छ ।

सोमबार बिहान पोखरा २१ रामदीबाट बिरौटा फर्किने क्रममा ग १ क ६२१९ नम्बरको बस सडकदेखि करिब ५० मिटर तल खसेर दुर्घटना भएको हो । बसमा विद्यार्थी, चालक र सहचालक गरी २९ जना सवार थिए । दुर्घटनामा घाइते विद्यार्थीको उद्धार गरी अस्पताल पठाइएको छ । तीमध्ये १४ जनाको गण्डकी मेडिकल कलेजमा, १२ जनाको पश्चिमाञ्चल क्षेत्रीय अस्पताल र ३ जनाको मणिपाल शिक्षण अस्पतालमा उपचार भइरहेको कास्की प्रहरीले जनाएको छ ।