पोखरा । मौसम पूर्वानुमान महाशाखाले कास्कीसहित विभिन्न जिल्लालाई आउँदो बिहीबारसम्म अति प्रभावित जिल्लाको रुपमा सूचीकृत गरेको छ ।

मनसुन सक्रिय हुँदै गएकाले कास्कीसहित देशका विभिन्न ३४ जिल्ला वर्षाले अति प्रभावित हुने सम्भावना रहेको महाशाखाले जनाएको छ । विशेष बुलेटिन जारी गर्दै महाशाखाले गण्डकी, कोशी, बागमती र लुम्बिनी प्रदेशका ३४ जिल्लामा रेड अलर्ट जारी गरेको हो । गण्डकी प्रदेशका ११ मध्ये कास्की, म्याग्दी, बागलुङ, पर्वत, स्याङ्जा, नवलपुर र लमजुङलाई अति प्रभावित जिल्लाको रुपमा वर्गीकरण गरी ‘रेड अलर्ट’ संकेत गरेको हो ।

यसैगरी, अन्य २६ जिल्लालाई मध्यम जोखिमको रुपमा सूचीकृत गर्दै सचेत रहन आग्रह गरको छ ।

केही दिनदेखि देशभर मनसुनी वायु सक्रिय छ । न्यूनचापीय रेखा आगामी केही दिन नेपालको दक्षिण भूभाग र सिमाना आसपास रहने भएकोले मनसुन थप सक्रिय हुने मौसम पूर्वानुमान महाशाखाले जनाएको छ ।

मौसम पूर्वानुमान महाशाखा-