पोखरा । मित्रमिलन बचत तथा ऋण सहकारी ठगी अभियोगमा फरार थप २ प्रतिवादी पक्राउ परेका छन् । पक्राउ पर्नेमा पूर्व अध्यक्ष भरत भट्टराई (३० वर्ष) र सुवास अधिकारी (२८ वर्ष) हुन् । उनीहरु पोखरा २१, कृस्ती निवासी हुन् ।

सहकारीको रकम अपचलन गरेको अभियोगमा मुद्दा खेपिरहेका प्रतिवादी उनीहरु हालसम्म फरार थिए ।

शुक्रबार वडा प्रहरी कार्यालय गगनगौंडाबाट खटिएको प्रहरी टोलीले तनहुँको शुक्लागण्डकी १, कोत्रेबाट पक्राउ गरी आइतबार जिल्ला अदालतमा पेस गरेको जिल्ला प्रहरी कार्यालयका निमित्त सूचना अधिकारी प्रहरी निरीक्षक अविनाश दीप जिसीले बताए ।

संस्थाको करिब ३२ करोड आर्थिक अपचलन हुने गरी भएको ठगी अभियोगमा ३३ जनाविरुद्ध कास्की जिल्ला अदालतमा मुद्दा विचाराधीन छ ।