पोखरा । पोखरा ३० पावरहाउसमा रहेको जनता बहुउद्दश्यीय सहकारी संस्थाले वार्षिक कार्यक्रमअनुसार सहकारी सदस्यका लागि प्रशिक्षण दिएको छ । संस्थाका अध्यक्ष विश्वराज लामिछानेको अध्यक्षतामा भएको कार्यक्रममा प्रमुख अतिथि पोखरा महानगरपालिका सहकारी विभागका अध्यक्ष रविरमण तिवारी थिए ।

सम्पूर्ण सदस्यको मन जित्न सफल यस सहकारीले यस विषम परिस्थितिमा निक्षेप एवं कर्जा असुली एवं लगानी उत्साहजनक रहेकोकाले आफू खुसी रहेको अध्यक्ष तिवारीले बताए । प्रशिक्षक नेफस्कुनका वरिष्ठ उपाध्यक्ष दामोदर अधिकारीले प्रशिक्षण दिए । ४ सय ६७ सेयर सदस्य रहेको यस संस्थाले करिब २० करोडको निक्षेप एवं कारोबार गरेको छ । संस्थाका वरिष्ठ उपाध्यक्ष सनबहादुर गुरुङले धन्यवाद ज्ञापन र सचिव भरतराज ओझाले कार्यक्रम सञ्चालन गरेका थिए ।