पोखरा । विन्ध्येश्वरी आदर्श बोर्डिङ स्कुल, मोहरियाटोलमा शुक्रबारीय कार्यक्रम अन्तर्गत गणित हाजिरीजवाफ तथा नेपाली शब्दखेल प्रतियोगिता सम्पन्न गरियो ।

प्रतियोगितामा आधारभूत (सिनियर) तथा मावि तहमा धौलागिरि सदनबाट कक्षा १० की छात्रा अनिता बिक, कक्षा ९ का छात्र सुजन राई, कक्षा ६ का छात्रहरुद्वय आदित्य बिक र दिजन मल्ल प्रथम र कञ्चनजंघा सदनबाट कक्षा १० की छात्रा निरसरा पौडेल, कक्षा ९ की छात्रा अंशु भुजेल, कक्षा ६ का छात्रछात्राद्वय दिप्सन सुवेदी र सविता सुनार द्वितीय भए ।

आधारभूत (जुनियर) तह नेपाली शब्दखेल प्रतियोगितामा धौलागिरि सदनबाट कक्षा ५ का छात्रा श्रीषा तिमिल्सिना, कक्षा ४ का छात्र सखिम बास्तोला, कक्षा ४ का छात्र सविन बिक र कक्षा ३ का छात्रा मौ भौमिक प्रथम र कञ्चनजंघा सदनबाट कक्षा ५ की छात्रा अदिति तिमिल्सिना, कक्षा ४ की छात्रा युनिका खनाल, कक्षा ३ की छात्रा प्रेमिका नेपाली र कक्षा २ का छात्र सौगात हमाल द्वितीय भए ।

प्राचार्य कृष्णकुमार श्रेष्ठले विजेतालाई पुरस्कार तथा प्रमाणपत्र वितरण गर्दै विद्यार्थीमा अझ बढी पढाइतर्फ लगावहोस् भन्ने हेतुले यस्ता विविध कार्यक्रमले सहयोग हुने बताए । कार्यक्रमको सञ्चालन मावि तहमा गणित शिक्षक नीलकण्ठ पौडेल र प्रावि तहमा नेपाली शिक्षिका शर्मिला शर्माले गरेका थिए ।