पोखरा । व्यास नगरपालिका मत परिणाम विवादमा उच्च अदालतको आदेशविरुद्ध सर्वोच्च अदालतमा बिहीबार रिट दायर भएको छ । असार २ गते पुन मतगणना गर्ने भनी दिएको उच्चले दिएको आदेशविरुद्ध अन्तरकालीन आदेश माग गर्दे मेयर वैकुण्ठ नाथ न्यौपानेले रिट दायर गरेका छन् । यसको पेसी २७ गते आइतबार तोकिएको छ ।

तनहुँको व्यास नगरपालिकाको मेयरको पुनः मतगणना असार २ गते गर्न उच्च अदालत पोखराले आदेश दिएको थियो । उच्च अदालतका न्यायाधीश राजनप्रसाद भट्टराई र निर्मला पौडेल भट्टराईको संयुक्त इजलासबाट उक्त आएको भएको हो । आदेशमा असार २ गते बिहान १० बजेदेखि पुनः मतगणना गर्न भनिएको थियो ।

२०७९ वैशाखमा भएको निर्वाचनमा नगरपालिका प्रमुखमा स्वतन्त्र उम्मेदवारी दिएर पराजित दीपकराज जोशीले पुनः मतगणनाको माग गर्दै उच्च उदालत पोखरामा मुद्दा दर्ता गराएका थिए ।