पोखरा । शिवशक्ति माध्यमिक विद्यालय, फूलबारीमा खुला गायन प्रतियोगिता भएको छ ।

३–७ कक्षा समूहतर्फ कक्षा ६ की मीता छन्त्याल प्रथम, ६ कै सन्ध्या मगर दोस्रो र आनिया माझी र साथीहरु तेस्रो भए । ८–१० कक्षा समूहतर्फ कक्षा १० की एन्जिला आधिकारी प्रथम, ९ की मीकासा नेपाली दोस्रो र सहिसा सुनार तेस्रो भए । ३२ प्रतियोगीले भाग लिएको प्रतियोगिता निर्णायकमा शिक्षक रामचन्द्र बास्तोला, गोविन्द अधिकारी र सृजना पहारी थिए ।

विद्यालय प्रअ शम्भुराज बास्तोलाको अध्यक्षतामा भएको कार्यक्रमको सञ्चालन शिक्षक अम्बिका बास्तोला र विद्यार्थी राजीव सुवेदीले संयुक्त गरेकाे सूचना अधिकारी प्रकाश पौडेलले बताए ।

विजयीलाई प्रअ बास्तोला र सहप्राचार्य बालकृष्ण बास्तोलाले बधाई दिए । प्राचार्य बास्तोलाले विद्यार्थीको चौतर्फी विकासमा सहक्रियाकलापले महत्वपूर्ण भूमिका खेल्ने र यस्ता कार्यक्रममा विद्यार्थीको सहभागिता बढाउनुपर्नेमा जोड दिए ।

विद्यार्थीको अन्तर्निहीत प्रतिभा प्रस्फुटन गराई सिर्जनात्मक क्षमता अभिवृद्धि गराउने उद्देश्यका साथ आयोजना गरिएको सो कार्यक्रममा सहप्राचार्य बास्तोलाले वार्षिक कार्यपात्रोमा ‘बुक फ्रि फ्राइडे’ उल्लेख गरेर हरेक शुक्रबार विविध खेलकुद तथा अतिरिक्त क्रियाकलाप सञ्चालन गरिने बताए ।