पोखरा । विश्व वातावरण दिवस अवसरमा पोखरा आदर्श सेकेन्डरी स्कुल, बगरले वृक्षरोपण कार्यक्रम गरेको छ । विद्यार्थी सहभागी भइ विद्यालय परिसर र विद्यालय बाहिर पनि सरसफाइ कार्यक्रमसमेत भयो ।

प्राचार्य फणिन्द्रप्रसाद अधिकारी, सहप्राचार्य ज्ञानेश्वर सुवेदी, अतिरिक्त कार्यकलाप प्रमुख राजेश गौतमले बगैँचामा वृक्ष रोपी कार्यक्रमको सुरुवात गरेका थिए ।

प्राचार्य अधिकारीले वातावरण संरक्षणमा हामी सबै नागरिक जिम्मेवार हुनुपर्ने धारणा व्यक्त गरे । प्राध्यापक एवं कवि शिव त्रिपाठीले वातावरण सफा रहेमात्र मानव जीवनको औचित्य रहने बताए । कार्यक्रम सञ्चालन अतिरिक्त कार्यकलाप प्रमुख राजेश गौतमले गरेका थिए ।