पोखरा । जुन ५ अर्थात् विश्व वातावरण दिवस । बुधबार पोखराका विभिन्न विद्यालयले विविध कार्यक्रम गरी वातावरण दिवस मनाए ।

यसैक्रममा विन्ध्येश्वरी आदर्श बोर्डिङ स्कुलले शिक्षक, शिक्षिका र विद्यार्थीको सहभागितामा विन्ध्वासिनी मन्दिर परिसरमा सरसफाइ कार्यक्रम गरेको छ । मोहरिया टोल क्षेत्र र विद्यालय परिसरमा पनि सरसफाइ तथा फूलका बिरुवा रोपेर वातावरण दिवस मनायो । विद्यार्थीले विभिन्न कविता तथा आफ्नो विचार प्रस्तुत गरे ।

कक्षा ६ देखि १० सम्मका विद्यार्थीबीच हाजिरीजवाफ प्रतियोगिता भयो । जसमा अन्नपूर्ण सदनबाट शिशिर तिमिल्सिना, श्रीस बुद्धाचार्य, मन्जिसा भुजेल र जोयश गुरुङ प्रथम र सगरमाथा सदनबाट प्रशंसा कार्की, साइना बुद्धाचार्य, दिवस घिमिरे र विनायक गिरी द्वितीय भए ।
पुरस्कार वितरण सहप्राचार्य नीलकण्ठ पौडेलले गरेका हुन् भने सञ्चालन अतिरिक्त क्रियाकलाप प्रमुख राजु बयलकोटीले गरे ।