पोखरा । नेकपा एमाले मादी गाउँपालिका कमिटी अध्यक्षमा सुवास सापकोटा निर्वाचित भएका छन् । मंगलबार भएको अधिवेशनले सापकोटाको अध्ययक्षतामा सम्पूर्ण कमिटी निर्विरोध निर्वाचित गरेको हो । कमिटी उपाध्यक्षमा दिलबहादुर क्षेत्री, सचिवमा चित्रबहादुर गुरुङ, उपसचिवमा रामराज अधिकारी र पूर्णसुवा गुरुङ चयन भए ।

लेखा कमिटी अध्यक्षमा शिवप्रसाद बराल चयन भएका छन् । नेकपा एमाले गण्डकी प्रदेश कमिटी सदस्य एवं कास्की निर्वाचन क्षेत्र नं १(२) का इन्चार्ज हुमबहादुर गुरुङले अधिवेशन सम्पन्न गर्न सहयोग गर्ने सबैप्रति धन्यवाद व्यक्त गरेका छन् । उनले भनेका छन्, ‘आवश्यक जिम्मेवारी प्रदान गर्दै बढौं, मैले खुबी देखाउन पाइन, काम गर्ने ठाउँ भएन, कामको भारी अलि पुगेन भन्ने कसैले मनन् गर्ने ठाँउ नराखौं, तब मात्र मिसनले सार्थकता पाउँछ ।