पोखरा । सामुदायिक सेवा केन्द्र एवं सामुदायिक प्रहरी सेवा माटेपानीको आयोजनामा साइबर क्राइम र लागुऔषध दुव्र्यसन रोकथाम तथा नियन्त्रणसम्बन्धी सचेतनामूलक प्रशिक्षण दिइएको छ ।

कान्तिपुर एकेडेमी अफ हेल्थ साइन्स एन्ड टेक्नोलोजी र भयरेश्वरी आधारभूत विद्यालयका कक्षा ८, ९ र १० का विद्यार्थीका लागि सचेतना कार्यक्रम गरिएको हो ।

विद्यार्थीहरूलाई वडा प्रहरी कार्यालय रामबजारका कार्यालय प्रमुख प्रहरी निरीक्षक वीरेन्द्र घिमिरेले प्रशिक्षण दिएका थिए ।

केन्द्रका अध्यक्ष धर्मराज आचार्यको अध्यक्षतामा भएको कार्यक्रममा पोखरा १४ का अध्यक्ष बोधबहादुर कार्कीको प्रमुख आतिथ्यतामा कार्यक्रम भएको थियो । संस्थाका उपाध्यक्ष शिवप्रसाद आचार्यले स्वागत र सचिव बाबुराम सापकोटाले कार्यक्रम सञ्चालन गरेका थिए ।