पोखरा । माछापुच्छ्रे–२, खादरजुङस्थित वाराही आधारभूत विद्यालयका विद्यार्थीलाई पोशाक वितरण गरिएको छ । कक्ष नर्सरीदेखि ५ सम्म अध्ययन गर्ने ४८ जना विद्यार्थीलाई पोखराको कुमुदिनी होम्स इङ्लिस बोर्डिङका अध्यक्ष अशोक पालिखेमार्फत कुवेरा फाउन्डेसन, जर्मन अध्यक्ष कुवेराबाट प्रदान गरिएको पोशाक वितरण गरिएको हो ।

खादर्जुङमा जन्ममै भुर्जुङखोलामा बसोबास गरी हाल मलेसियामा कार्यरत् समाजसेवी लेखबहादुर गुरुङका धर्मपत्नी मनसुबा गुरुङको प्रमुख आतिथ्यमा विद्यार्थीलाई जुत्ता, मोजा र टाइबेल्ट वितरण गरिएको हो ।

कार्यक्रममा न्यून दृष्टि भएका ३ जना विद्यार्थी अञ्जना सिर्पाली, दीपेश चेपाङ, समीक्षा गुरुङलाई छात्रवृत्ति स्वरुप प्रतिविद्यार्थी ८ हजार प्रदान गरियो ।

कार्यक्रममा नेपाल दृष्टिविहीन कल्याण संघ कास्कीबाट सहयोगीदाता लेखबहादुर गुरुङबाट यसअघि पनि विद्यालयमा कम्पाउन्डिङ, २ थान ल्यापटप, करिब ३ लाख बराबरको पोसाक, झोला, स्टेसनरी, पिउने पानी, २ कक्षा कोठा र अफिस कोठामा कार्पेटिङ लगायतमा सहयोग भएको थियो ।

कुमुदिनीले ८ वर्षदेखि विद्यार्थीलाई पोशाक शिक्षक तालिम खेलकुद सामग्री स्टेसनरी, दिवा खाजा, आखाजाँच, चस्मा, औषधी लगायतमा सहयोग भएको थियो । कार्यक्रममा एसियन जुत्ता पसलका सञ्चालक लीलाबहादुर क्षत्रीले जुत्ता वितरण गरे । विद्यालय व्यवस्थापन समिति अध्यक्ष सोमबहादुर गुरुङको अध्यक्षतामा भएको कार्यक्रमको सञ्चालन प्रअ रामप्रसाद आचार्यले गरेका थिए ।