पोखरा । सामुदायिक वन उपभोक्ता महासंघ नेपाल गण्डकी प्रदेश अध्यक्ष कालिदास सुवेदीलाई मातृशोक परेको छ । रुपा ७, हंसपुर निवासी उनकी आमा कौशिला सुवेदीको बुधबार ८८ वर्षको उमेरमा आफ्नै निवासमा निधन भएको हो । उनका १ छोरा र ५ छोरी छन् ।

एमाले स्थायी कमिटी सदस्य एवं गण्डकी प्रदेशका मुख्यमन्त्री खगराज अधिकारीले मादी किनार पास्तेदोभान घाटमा सुवेदीको पार्थीव शरीरमा पार्टीको झण्डा ओढाएर अन्तिम श्रद्धाञ्जली दिए ।

अन्त्यष्टिमा रुपा गाउँपालिका अध्यक्ष नवराज ओझा लगायत जनप्रतिनिधि, आफन्तजन, पार्टी नेता तथा कार्यकता, सामुदायिक वन उपभोक्ता महासंघ नेपालका संघ, प्रदेश र स्थानीय तहका पदाधिकारी लगायतको उपस्थिति थियो ।