पोखरा ।  अन्नपूर्ण गाउँपालिकामा भएको चौथो राष्ट्रपति रनिङ सिल्डको उपाधि सिर्जना माविले हात पारेको छ । सिर्जनाले १६ विद्यालयलाई पछि पार्दै उपाधि हात पारेको हो ।

११ स्वर्ण, ३ रजत तथा ६ कास्य सहित सिर्जनाले रनिङ सिल्डको उपाधि चुमेको हो । योसँगै सिर्जनाले लगातार तेस्रो पटकसम्म रनिङ सिल्डको उपाधि आफ्नो पक्षमा पा¥यो । उपाधि चुमेसँगै सिर्जनाले १५ हजार, सिल्ड, मेडल र प्रमाणपत्र पुरस्कार पायो ।

त्यस्तै ९ स्वर्ण, ६ रजत र ४ कास्यसहित माछापुच्छे« मावि द्वितीय एवं २ स्वर्ण, ४ रजत र ४ कास्य सहित प्रगतिशील मावि तृतीय हुन सफल भए । ती विद्यालयले क्रमश १० हजार, ५ हजार साथमा मेडल र प्रमाणपत्र पुरस्कार पाएको शिक्षा अधिकृत बलराम भुगार्इंले जानकारी दिए ।

प्रतिनिधिसभा सदस्य दामोदर वैरागीले जीवनका खेलको महत्वपूर्ण भूमिका हुने औंल्याउँदै खेललाई अनुशासन पूर्वक सञ्चालन गर्नुपर्नेमा जोड दिए । उनले खेलमा पनि भविष्य देख्न प्रतियोगीलाई आग्रह गरे ।

गण्डकीका पूर्व खेलकुद मन्त्री राजीव गुरुङले पालिकाको खेल पूर्वाधार विकासमा प्रदेश मार्फत आफूले सहयोग गर्ने प्रतिबद्धता जनाए । त्यस अवसरमा गण्डकी प्रदेशसभा सदस्य गणेशमान गुरुङ, नेपाल सरकारका सहसचिव विनोदबहादुर कुँवर, गाउँपालिका उपाध्यक्ष चन्द्रकला अधिकारी लगायतले पनि धारणा राखे ।

गाउँपालिका अध्यक्ष विष्णुबहादुर केसीले पालिकाले खेललाई महत्व दिर्दै आएको स्पष्ट पार्दै सहभागिलाई खेल जीवनको शुभकामना दिए । प्रतियोगितामा माछापुच्छे« मावि तथा मर्निङस्टार माविले व्यवस्थापकीय भूमिका निर्वाह गरे । पालिका अध्यक्ष केसीको अध्यक्षतामा भएको उक्त कार्यक्रममा वडाध्यक्ष पीताम्वर भण्डारीले स्वागत तथा शिक्षा अधिकृत भुगाईले कार्यक्रम सञ्चालन गरे ।