पोखरा । पोखरा हार्डवेयर एसोसिएसनको पहल तथा स्थानीय जनसहभागितामा पोखरा–९ मा फुटपाथ र चौतारी निर्माण भएको छ ।

पोखरा नयाँबजारस्थित शिव गणेश मार्गमा ढुंगा बिछ्याएर निर्माण गरिएको फुटपाथ र बुटिक चौतारीको पोखरा–९ का वडाध्यक्ष दीपेन्द्र मर्सानीले गत शुक्रबार उद्घाटन गरे ।
पोखरा महानगरपालिकाबाट १५ लाख, एसोसिएसन र स्थानीय जनसहभागिता ३ लाख १५ हजार गरी १८ लाख १५ हजार लागतमा उक्त निर्माण सम्पन्न भएको हो ।

पोखरा हार्डवेयर एसोसियसन कास्कीका अध्यक्ष पृथ्वीराज शर्मा तिमिल्सिनाको अध्यक्षतामा भएको उद्घाटन समारोहमा वरिष्ठ सल्लाहकारद्वय महेश पराजुली र रामचन्द्र थापाले शुभकामना मन्तव्य राखेका थिए ।

उपभोक्ता समितिका अध्यक्ष तीर्थबहादुर बस्नेतको स्वागत मन्तव्य रहेको सो कार्यक्रममा पूर्व अध्यक्ष अर्जुन थापाले धन्यवाद ज्ञापन तथा महासचिव कृष्णप्रसाद कोइरालाले सञ्चालन गरेका थिए ।