पोखरा । स्याङ्जामा अटो दुर्घटना हुँदा एक बालिकाको मृत्यु भएको छ । मृत्यु हुनेमा रुपन्देहीको तिलोत्तमा नगरपािलका १०, कान्छीबजार बस्ने ओमबहादुर लम्साल क्षत्रीकी १६ महिनाकी छोरी कायरा हुन् ।

शनिबार वालिङको रामबाच्छाबाट खहरेतर्फ जाँदै गरेको लु१ह ३६८६ नम्बरको अटो दिउँसो ४ः२० मा खहरेस्थित भित्री कच्ची सडकखण्डमा दुर्घटना हुँदा चालकसहित ४ जना घाइते भएका थिए । टाउकोमा चोट लागेकी घाइते कायराको प्राथमिक स्वास्थ्य केन्द्र वालिङ लगिएकोमा चिकित्सकले ४ः५५ मा मृत घोषणा गरेका हुन् । अन्य घाइते अवस्था सामान्य रहेको जिल्ला प्रहरी कार्यालय स्याङ्जाका प्रवक्ता/सूचना अधिकारी प्रहरी निरीक्षक पावलसिंह लामाले बताए ।

घटनापछि वडा प्रहरी कार्यालय वालिङबाट प्रहरी निरीक्षक जनकराज बञ्जाराको कमाण्डमा खटिएको टोलीले अटो र अटोचालकलाई नियन्त्रणमा लिएको थियो । घटनास्थल वालिङ बजारबाट ६ किमी पूर्वतर्फ पर्छ ।