पोखरा । मानवअधिकार शान्ति समाज कास्कीको १४ औं अधिवेशनबाट तीर्थराज न्यौपानेको सभापतित्वमा ११ सदस्यीय कार्यसमिति सर्वसम्मत चयन भएको छ ।
कार्यसमिति उपसभापतिमा रामकृष्ण ढुंगाना, सचिव शावित्री शर्मा, कोषाध्यक्ष पार्वती बराल (अशोका), सहसचिव झलक तिवारी चयन भए । सदस्य रमेश परियार, दीपलाल लामिछाने, जीवनप्रकाश श्रेष्ठ, सोमबहादुर गुरुङ, संगीता गुरुङ र शुक्रराज लामिछाने छन् ।

कार्यक्रम उद्घाटन गर्दै जिल्ला अदालत कास्कीका न्यायाधीश केशवप्रसाद बास्तोलाले संस्थाले मानवअधिकारमात्र नभई जलथर पशुपंक्षी तथा पर्यावरण क्षेत्रमा समेत अधिकारको क्षेमा काम गरेको देख्दा खुसी लागेको बताए । उनले भ्रष्टाचार न्यूनीकरण तथा लागुऔषध दुव्र्यसनमा समेत सचेत गराउँदै देशमा शान्ति स्थापना गर्न सरकारलाई समेत घच्घच्याएको बताए ।

संस्थाका केन्द्रीय सभापति रामकृष्ण बरालले राजनीतिक दलहरु सच्चिएर नआए मिसन–८४ मा आफैं पतन हुने दाबी गर्दै देशमा संक्रमणकाल टुंगिएन भने द्वन्द्व निम्तिन सक्ने बताए । उनले भ्रष्टाचारविरुद्धको समेत आफूहरु सशक्त कार्यक्रम लिएर आउने जानकारी दिए ।

संस्थाका जिल्ला सभापति तीर्थराज न्यौपानेको अध्यक्षतामा भएको कार्यक्रममा केन्द्रीय पूर्व सभापति उत्तम पुडासैनी, केन्द्रीय वरिष्ठ उपसभापति कृष्ण रावल, सम्मानित व्यक्तित्व रवीन्द्र माकाजु, सल्लाहकार देवीलाल शर्मा, पूर्व सभापति धीरज थापा, विश्व शाक्य, स्याङ्जा सभापति हरि रेग्मी, यामप्रसाद न्यौपाने लगायतले शुभकामना मन्तव्य व्यक्त गरेका थिए ।

सो अवसरमा पर्यावरण, वातावरण सम्पदाको संरक्षणमा कलम चलाएको भन्दै रवीन्द्र माकाजुलाई कदरपत्र प्रदान गरिएको थियो । निर्वाचन संयोजक सूर्यप्रसाद ढकाल रहेको समितिले सर्वसम्मत् नयाँ कार्यसमिति चुनेको हो ।

कार्यक्रममा संस्थाका सहसचिव रमा ढकालले प्रगति प्रतिवेदन, कोषाध्यक्ष पार्वती बराल (अशोका) ले आर्थिक प्रतिवेदन प्रस्तुत गरे । उपाध्यक्ष रामकृष्ण ढुंगानाले स्वागत तथा सचिव शावित्री शर्माले कार्यक्रम सञ्चालन गरेकी थिइन् ।