पोखरा । पोखराका उद्योगी तथा समाजसेवी चन्द्रकान्त बराललाई मातृशोक परेको छ । उनकी ममतामयी माता कलावती बरालको १०६ वर्षको उमेरमा सोमबार आफ्नै निवास बिरौटामा स्वर्गारोहण भएको एटुजेडपत्रिकाले लेखेको छ ।

पोखराकी ज्येष्ठ नागरिक कलावतीको मंगलबार शवयात्रापछि सेती नदी किनार रामघाटमा अन्त्येष्टी हुनेछ ।

पोखरा २२, पुम्दीभुम्दीका समाजसेवी डिल्लीराम र कलावतीका ५ छोरा र २ छोरीमध्ये पुम्दीकोट कोट विकास समिति अध्यक्षसमेत रहेका समाजसेवी चन्द्रकान्त साहिँला हुन् । बाबु डिल्लीरामको यसअघि नै निधन भइसकेको छ ।

बराल दम्पतीका हाल चन्द्रकान्तसहित बासुदेव, टीकाराम र निर्मलराज तथा छोरी बुद्धिकला पौडेल छन् ।

आमासँग चन्द्रकान्त बराल ।