पोखरा । राष्ट्रिय स्वतन्त्र पार्टी (रास्वपा) का सभापति रवि लामिछाने र स्वर्णीम वाग्ले भोलि पोखरा आउने भएका छन् । गण्डकी प्रदेश कार्यालय उद्घाटन गर्न सभापति लामिछाने पोखरा आउने कार्यक्रम रहेको कार्यक्रमका प्रचारप्रसार संयोजक सुजन बस्ताकोटीले जानकारी दिए ।

रास्वपाले गण्डकी प्रदेश कार्यालय पोखराको जिरोकिलोमिटरमा स्थापना गरेको छ । प्रदेश कार्यालय उद्घाटनसँगै कास्कीका विभिन्न पालिकामा पुग्ने तालिका रहेको प्रचारप्रसार संयोजक बस्ताकोटीले बताए ।

‘सोमबार पोखरा २९ भण्डारिढिक खेल मैदानमा बिहान ११ बजेट त्यहाँका स्थानीयलाई सभापति ज्यूले संम्बोधन गर्ने तालिका छ । यसलगत्तै जिरोकिलो मिटरमा प्रदेश कार्यालय उद्घाटन गर्ने सेडुल छ,’ प्रचारप्रसाद संयोजक बस्ताकोटीले भने ।

सोमबार नै सभापति लामिछानेले माछापुच्छ्रे गाउँपालिका वडा नम्बर ४ लाहाचोकमा दिउँसो पौने ३ बजेट त्यहाँका स्थानीयहरुलाई सम्बोधन गर्ने तालिका रहेको उनले सुनाए । स्रोतका अनुसार सभापति लामिछानेले कास्कीमा एक हप्ता संगठन विस्तारसँगै नागरिकको घरदैलोमा पुग्ने कार्यक्रम छ ।

कार्यक्रममा रास्वपाक सभापति लामिछाने, प्रतिनिधिसभा सदस्य वाग्ले र शिव नेपाली, गण्डकीका सभापति राजन गौतमले सम्बोधन गर्ने कार्यतालिका तालिका छ ।