पोखरा । हेमजामा आगामी कात्तिक ११ देखि १८ गतेसम्म हुन लागेको सातौं अन्तर्राष्ट्रिय हेमजा गोल्डकप विजेता समूहले ६ लाख ५५ नगदका साथमा सिल्ड, मेडल र प्रमाणपत्र प्राप्त गर्ने भएको छ । उपविजेताले ३ लाख ५५ नगदका साथमा सिल्ड, मेडल र प्रमाणपत्र पाउने छ ।

प्रतियोगिताको सर्वोत्कृष्ट खेलाडीले ५० हजार, सर्वाधित गोलकर्ताले २५ हजार, फेयर प्लेयरले २५ हजार नगद हात पार्नेछन् । अन्य पाँच विधामा उत्कृष्ट हुनेलाई जनही २० हजार र म्यान अफ दि म्याच हुन सफल खेलाडीलाई ५ हजार पुरस्कार प्रदान गरिने आयोजक हेमजा युनाइटेडका अध्यक्ष राजेश त्रिपाठीले बताए । गोल्डकपको प्रारम्भिक तयारी स्वरुप क्लबका निवर्तमान अध्यक्ष इन्द्रबहादुर कुँवरको संयोजकत्वमा मूल आयोजक समिति गठन गरिएको छ ।

आमन्त्रित नकआउट फुटबल प्रतियोगितामा विदेशी १, आयोजक समूहसहित ८ टिम सहभागी हुने संयोजक कुँवरले जानकारी दिए । प्रतियोगिताबाट बचेको ५० प्रतिशत रकम हेमजा युनाइटेड एकेडेमी सञ्चालानार्थ खर्च गरिनेछ ।