पोखरा । नेलम्बो नेपालले जिल्ला प्रहरी कार्यालय कास्कीमा कार्यरत महिला प्रहरी तथा थुनुवा बन्दी कैदी महिलालाई सेनेटरी प्याड हस्तान्तरण गर्दै ४४ औं सामाजिक सेवा दिवस मनाएको छ । त्यस अवसरमा ४ सय ५ प्याकेड प्याड हस्तान्तरण गरिएको हो ।

कार्यक्रममा नेलम्बोका अध्यक्ष एकदेव देवकोटाले संस्था शिक्षा, स्वास्थ्य र वातावरणको क्षेत्रमा क्रियाशील रहेको जानकारी दिँदै कोभिड १९ को विषम परिस्थितिमा पनि स्वास्थ्यकर्मी, सुरक्षाकर्मी तथा सञ्चारकर्मीका लागि स्वास्थ्य सामग्री प्रदान गरेको स्मरण गरे । उनले कोभिड समयमा जिल्ला प्रहरी कार्यालयका सम्पूर्ण कर्मचारीलाई पनि निशुल्क स्वास्थ्य शिविर राखी औषधी उपचार गरिएको जनाउँदै मानव कल्याणकारी कार्यमा नेलम्बो अग्रसर भइरहने बताए ।

कार्यक्रममा पत्रकार कञ्चन थापा, प्रहरी उपरीक्षक मोहनकुमार थापा, प्रहरी सहायक निरीक्षक समीक्षा खत्री लगायतले बोलेका थिए । कार्यक्रमको सञ्चालन प्रहरी नायव उपरीक्षक श्रवणकुमार विकले गरेका थिए ।

सामाजिक संघसंस्थाले हरेक वर्ष असोज ६ का दिन विभिन्न कार्यक्रम गरी सामाजिक सेवा दिवस मनाउने गर्दछन् ।