पोखरा । पोखरा १५ रामबजारमा रहेको संगम बचत तथा ऋण सहकारी संस्थाको १६ औं वार्षिक साधारण सभा शनिबार सम्पन्न भएको छ । संस्थाका संस्थापक अध्यक्ष हरिकृष्ण कुँवरले कार्यक्रम उद्घाटन गरे । उनले सहकारी सदस्य अति न्यून हुँदाका बखत स्थापना भएको संस्थामा करिब २८ सदस्य भएकोमा खुसी व्यक्त गरे ।

संस्थाका संरक्षक तथा सल्लाहकार संयोजक निरज थापाले संगम सहकारी नीति र विधिमा चलेका कारण समस्यामुक्त रहेको बताए । उनले पोखराका उत्कृष्ट १० सहकारीमा संगम रहेको दाबी गरे ।

नेफ्स्कुन सदस्य सेवा कार्यालय प्रमुख सूर्यप्रसाद तिमिल्सिनाले संस्थाका एजेन्डामा सेयर सदस्यहरुले व्यापक छलफल गर्नुपर्नेमा जोड दिए । जिल्ला सहकारी संघ कास्कीका उपाध्यक्ष अम्बिका गौतमले सञ्चालक समितिलाई बन्द सत्रमा सकारात्मक सुझाव दिन सेयर सदस्यसँग आग्रह गरिन् ।

कार्यक्रममा संगम योग केसी अक्षय कोषका संरक्षक डा. नम्रता केसी, सेयर सदस्यको तर्फबाट अस्मिता कुँवर र शिवराज वाग्ले, सम्मानित कर्मचारी विकल्प कुँवर लगायतले बोलेका थिए ।

कार्यक्रमबीच संगम सिद्धान्त कुँवर स्मृति छात्रवृत्ति अनिश नेपाली, आशा ओझा, समीक्षा शर्मालाई प्रदान गरियो ।

यसैगरी संगम योग केसी स्मृति पुरस्कारबाट संस्थापक अध्यक्ष क्या. हरिकृष्ण कुँवर सम्मानित भए । संस्थामा १० वर्ष सेवा गरेकी अधिकृत विकल्प कुँवरलाई संस्थाले सम्मान गरेको छ ।

संस्थाका अध्यक्ष नवराज तिवारीको अध्यक्षतामा भएको कार्यक्रममा उपाध्यक्ष बुद्धिमान थापाले स्वागत र सञ्चालन सचिव धनराज पुरीले गरेका थिए ।

संस्थाका सचिव धनराज पुरी, कोषाध्यक्ष भरतबहादुर थापा, लेखा सुपरिवेक्षण समिति संयोजक भोविन्द्र गिरीले प्रस्तुत गरेको प्रतिवेदन पारित भएको छ । संस्थामा हाल २ हजार ७ सय ४८ सेयर सदस्य रहेका छन् ।