पोखरा । बिरौटा बचत तथा ऋण सहकारी संस्थाले १४ औंं वार्षिक रक्तदान कार्यक्रम गरेको छ । संविधान दिवस अवसरमा संस्थाले पोखरा–१७, बिरौटामा आयोजना गरेको रक्तदान कार्यक्रममा ४६ युनिट रगत संकलन भयो ।

पेट, छाती तथा सुगर थाइराइड रोग विशेषज्ञ डा. मनबहादुर गुरुङले पहिलो रक्तदाता संस्थाका अध्यक्ष टीकाप्रसाद पौडेललाई ब्लडब्याग हस्तान्तरण गरी कार्यक्रम उद्घाटन गरेका थिए । उनले संस्थाले रक्तदान कार्यक्रम गरेर सामाजिक उतरदायित्व पूरा गर्ने प्रयास गरेको बताए । उनले रक्त अभावमा छटपटिएका बिरामीलाई यस्तो कार्यले जीवनदान गर्ने हुँदा कार्यक्रमलाई नियमितता गर्न सुझाव दिए ।

रक्तदान कार्यक्रम तथा खेलकुद स्वास्थ्य उपसमिति संयोजक दीपक बराल र नि.अध्यक्ष राजेन्द्र गुरुङले रक्तदान कार्यक्रमबारे प्रकाश पारेका थिए । संस्थाका अध्यक्ष टीकाप्रसाद पौडेलको अध्यक्षतामा भएको कार्यक्रममा स्वागत मन्तव्य उपाध्यक्ष धुव्र अधिकारी र सञ्चालन सचिव ओमप्रकाश बरालले गरेका थिए ।