पोखरा । कास्की पोखरा समाज जापानले मौलिक फोटो प्रतियोगिताको पुरस्कार वितरण गरेको छ । सोही अवसरमा नेपाली दिदीबहिनीलाई दर समेत खुवाइएको छ । प्रतियोगितामा सहभागी १ सय ९१ जना बाट उत्कृष्ट ३ जनालाई पुरस्कृत गरिएको छ । प्रथम, द्वितीय र तृतीयलाई क्रमश: ५० हजार ३० हजार र १० हजार रुपैयाँ प्रदान गरिएको संस्थाका महासचिव सरोज कार्कीले जानकारी दिए । भेषभूषा र कला सस्कृतिको बढ्दो विकृतिलाई थोरै भए पनि कम गर्न र नेपालको मौलिक पोसाकलाई अन्तर्राष्ट्रियस्तरमा चिनाउन यस्तो खालका कार्यक्रम गरेको संस्थाका सचिव तथा कार्यक्रम संयोजक जीवन पोखरेल ‘कञ्चन’ ले जानकारी दिए ।

प्रतियोगितामा नेपाल पोखरा घर हुने दुर्गा बराल प्रथम, स्याङ्जा घर भई जापानको नागोया बस्ने भगवती कार्की र तृतीय पोखरा घर भई जापानको टोकियो बस्ने स्वस्ति खड्काको फोटो भएको छ । आउँदा वर्षमा पनि यस्तै मौलिक कार्यक्रमहरु लाई निरन्तरता दिने संयोजक पोखरेलले बताए ।