पोखरा । पोखरा ३ नदीपुरस्थित जीविका बचत तथा ऋण सहकारीको १२ औं वार्षिक साधारण सभा भएको छ ।

जिल्ला सहकारी संघ कास्की अध्यक्ष सावित्रा कोइरालाले सभाको उद्घाटन गर्दै सहकारीहरु विद्यमान नियमअनुसार चले कुनै समस्या नआउने बताइन् । उनले दुईचार वटा सहकारीमा समस्या आएको कुरालाई सबैसँग जोडेर हेर्न हुँदैन भनिन् । उनले समय–समयमा सहकारीले आफ्ना सेयर सदस्यका लागि उपलब्धिमूलक तालिम व्यवस्था गर्न सुझाव दिइन् ।

संस्थाका कावा अध्यक्ष महावीर थापाले छरिएर रहेको पुँजी एकीकृत गरी आर्थिक रुपमा सबल, सक्षम, आत्मनिर्भर र स्वावलम्बी बनाउने उद्देश्यले संस्था अगाडि बढेको बताए ।

कार्यक्रममा सेयर सदस्य शारदा पौडेल, उमेशराज पराजुली लगायतले शुभकामना व्यक्त गर्दै सहकारीमा आवद्ध सदस्यको आयस्तर बढाउने काममा सहकारीले ध्यान दिनुपर्ने सुझाव दिए । सो अवसरमा संस्थाका प्रवन्धक बासुदेव पौडेललाई विशेष उत्कृष्ट कर्मचारी सम्मान गरियो । २ सेयर सदस्य शुलोचना बास्तोला र मीनबहादुर श्रेष्ठ उत्कृष्ट उद्यमीको रुपमा सम्मानित भए । सेयर सदस्यका छोराछोरीमध्ये विभिन्न तहको अध्ययन पूरा गरेका ९ जनालाई सम्मान गरियो । संस्थाका कावा अध्यक्ष थापाको अध्यक्षतामा भएको कार्यक्रममा स्वागत सदस्य कृष्णबहादुर तामाङ र सञ्चालन सचिव लेखबहादुर प्रधानले गरेका थिए । धन्यवाद सदस्य कुलदेवी पराजुलीले दिइन् ।

संस्थाले पोखराका १३ वटा वडा आफ्नो कार्य क्षेत्र बनाई सेवा दिँदै आएको छ । २६ सुरु यो सहकारीमा गएको असार मसान्तसम्म ६ सय ९५ जना सेयर सदस्य पुगेका छन् । तीमध्ये ४ सय ४ महिला छन् । संस्थाको सेयर पुँजी ३ करोड ६८ लाख छ ।