पोखरा ३ असोज । पोखरा १४ मा एकै पटक १७ चौतारीको मर्मत सम्भार गरिएको छ । वडा कार्यालयबाट विनियोजित २२ लाख रुपैयाँ लागतमा चौतारी मर्मत गरिएको हो ।

संविधान दिवस अवसरमा बुधबार वडाध्यक्ष बोधबहादुर कार्कीले १७ चौतारीको उद्घाटन गरे । उनले वडामा भएको यो कार्य अन्य वडाको तुलनामा पृथक हो भने । वडाध्यक्ष कार्कीले वडा भित्रका अन्य चौतारीहरु पनि यसै वर्ष पुनर्निर्माण गरिने जानकारी दिए ।

मर्मतका लागि स्थानीय मोतीबहादुर बानियाको अध्यक्षतामा ९ सदस्यीय चौतारी निर्माण समिति गठन गरिएको थियो । साथै वडा सदस्य तनुजा थापा सिके, स्थानीय गोकर्ण कार्की र ललितबहादुर बानिया सदस्य रहेको अनुगमन समिति गठन गरिएको थियो ।

चौतारी निर्माण समिति अध्यक्ष मोतीबहादुर बानियाले सबैको सहयोगका कारण समयमै काम सम्पन्न गर्न सकिएको बताए । अनुगमन समिति सदस्य ललितबहादुर बानियाले वडामा पहिलो पटक यस्तो कार्य हुनु निकै प्रशंसनीय भएको बताए ।