पोखरा । रुपा गाउँपालिका ७ स्थित माझगाउँ आदर्श युवा क्लबले तीजका अवसरमा विविध कार्यक्रम गरेको छ ।

प्रतिनिधि सभा सदस्य तथा नेपाली कांग्रेस सहमहामन्त्री जीवन परियारले कार्यक्रम उद्घाटन गर्दै उक्त स्थललाई अझ ऐतिहासिक बनाउन केन्द्रबाटै पहल गर्ने प्रतिबद्वता ब्यक्त गरे ।

रुपा गाउँपालिका उपाध्यक्ष लालसुब्बा गुरुङले आफ्नो पालिकाको मौलिक संस्कृतिको पहिचान र जगेर्ना पालिकाको प्राथमिकता रहेको बताइन् । कलाकारद्वय पार्वती गुरुङ र युकेश थापाले गीतबाट दर्शकलाई मनोरञ्जन दिएका थिए ।

माझगाउँ आदर्श युवा क्लबको आयोजना र हाँसपोखरी युवा क्लबको समन्वयमा भएको कार्यक्रम ऐतिहासिक बनेको हाँसपोखरी युवा क्लब पूर्व अध्यक्ष मोतिकुमार श्रेष्ठले बताए ।

खुला तीज गीत प्रतियोगिताका अतिरिक्त रस्साकस्सी प्रतियोगिता, बेलुन फुटाई प्रतियोगिता र भाले छुने प्रतियोगिता समेत भए । क्लब अध्यक्ष विचित्र न्यौपानेको अध्यक्षतामा भएको कार्यक्रममा उपाध्यक्ष अनिल भुजेलले स्वागत मन्तव्य र सचिव विकल न्यौपानेले सञ्चालन गरेका थिए ।