लेखनाथ । तीज अवसरमा पोखरा –२७ स्थित लिटल फ्लावर एजुकेसनल एकेडेमीमा अतिरिक्त क्रियाकलापअन्तर्गत तीज गीत प्रतियोगिता भएको छ ।

कक्षा ३ देखि १० सम्मका १० टिमले भाग लिएको प्रतियोगितामा कक्षा ७ ‘क’ समूहले प्रथम स्थान हासिल गरेको छ । कक्षा १० को समूहले दोस्रो स्थान हासिल गर्न सफल भयो भने कक्षा ४ को समूहले तेस्रो पुरस्कार प्राप्त गर्‍यो । कक्षा ३ ले प्रोत्साहन पुरस्कार पायो ।

विजयी समूहलाई पुरस्कार वितरण गर्दै विद्यार्थीको सिर्जनात्मक क्षमताको अभिवृद्धि तथा संस्कृतिको जगेर्ना गर्ने उद्देश्यले प्रतियोगिता आयोजना गरिएको प्रिन्सिपल विकल पौडेलले बताए ।

निर्णायकहरुमा नृत्य प्रशिक्षक मिलन तामाङसहित शिक्षक लक्ष्मी गुरुङ र विष्णुहरि पौडेल थिए ।

गिता शिक्षक लक्ष्मी घिमिरेको अध्यक्षतामा भएको प्रतियोगितामा विद्यालय इञ्चार्ज रामप्रसाद अधिकारीले स्वागत गरेका थिए । ५९ औं अन्तराष्ट्रिय बाल दिवसबारे माध्यमिक तह इन्चार्ज रामकृष्ण आचार्यले बोलेका थिए । प्रतियोगिताको सञ्चालन अतिरिक्त क्रियाकलाप संयोजक विचित्र न्यौपानेले गरेका थिए ।