पोखरा । लिटिल स्टेप मावि सिमलचौरले विविध रचनात्मक एवं अतिरिक्त क्रियाकलाप गरी राष्ट्रिय बाल दिवस मनाएको छ । कक्षा ६ देखि १० सम्म अध्ययनरत छात्र – छात्राको अन्तर सदनात्मक बास्केटबल प्रतियोगिता भएको छ । जसमा छात्रतर्फ पहेँलो सदन प्रथम, रातो सदन द्वितीय भए भने छात्रातर्फ निलो सदन प्रथम, हरियो सदन द्वितीय भए ।

प्ले ग्रुपदेखि कक्षा ५ सम्मका विद्यार्थीका लागि अतिरिक्त प्रतिभा प्रदर्शनको आयोजना गरिएको थियो । विद्यार्थीले नृत्य, जातीय पोसाक, भाषणकला, गायन, चुट्किला, जुडो कराटे, विट् बक्स आदि प्रस्तुत गरे । प्रतियोगितामा प्रथम, द्वितीय र तृतीय स्थान हासिल गर्ने विद्यार्थीहरूलाई पुरस्कार वितरण गरिएको थियो ।