सहारा खेलकुद पत्रकारिता पुरस्कार उमेशलाई

आदर्श समाज सम्वाददाता
भाद्र २८, २०८०

पोखरा । सहारा खेलकुद पत्रकारिता पुरस्कार २०७९ फोटो पत्रकार उमेश पुनलाई प्रदान गरिने भएको छ ।

प्रतिभा छनोट समितिले गरेको सिफारिसको आधारमा भदौ २१ मा बसेको सहारा क्लब पोखराको बैठकले अनुमोदन गरेको क्लब महासचिव रामजीप्रसाद अधिकारीले बताए ।

डेढ दशकदेखि फोटो पत्रकारितामा क्रियाशील उमेश हाल नागरिक राष्ट्रिय दैनिक, रिपब्लिका दैनिक, गोल नेपाल डटकममा आबद्ध छन् । उनी नेपाल खेलकुद पत्रकार मञ्च गण्डकीका कार्यसमिति सदस्य, संसदीय पत्रकार मञ्च गण्डकी सदस्य, नेपाल फोटो पत्रकार संघ कास्कीका सचिव हुन् ।

सहारा क्लब स्थापनाको रजत जयन्ती अवसरमा शनिबार आयोजना हुने समारोहमा पुरस्कार अर्पण गरिनेछ । पुरस्कार राशि २५ हजार ५ सय ५५ र सम्मानपत्र छ । यो पुरस्कारबाट गत नारायण शाही सम्मानित भएका थिए । यस्तै, दीपक परियार, इन्द्रप्रसाद पौडेल, सन्देश श्रेष्ठ, विजय नेपाल, सुरज श्रेष्ठ, एमबी आस्था, कृष्णमणि बराल, सागरराज तिमिल्सिना, एकराज गिरी, प्रदीप पौडेल, दीननाथ बराल, प्रेमनारायण न्यौपाने, राम गुरुङ, विनोद लामिछाने, धन बस्नेत, कुलचन्द्र न्यौपाने उक्त पुरस्कारबाट पुरस्कृत भइसकेका छन् ।

सम्बन्धित समाचार

लामाचौर कप जारी : न्यु डायमन्ड र पुलिस शीर्षस्थानमा

आदर्श समाज सम्वाददाता भाद्र ३१, २०८०

पोखरा । नवआदर्श सामुदायिक विकास समाज (नाकोड्स) को आयोजनामा शुक्रबारदेखि सुरु भएको लामाचौर कप राष्ट्रिय महिला तथा पुरुष भलिबल जारी…
न्यु डायमण्ड २ खेलमा विजयी

आदर्श समाज सम्वाददाता भाद्र ३१, २०८०

पोखरा । न्यु डायमण्ड युथ स्पोर्टर्स क्लबले लामाचौर कप भलिबल प्रतियोगिताअन्तर्गत २ खेलमा जित दर्ता गरेको छ । नवआदर्श सामुदायिक विकास…
साविक विजेता श्यामलाई गल्फ उपाधि

प्रकाश ढकाल भाद्र ३१, २०८०

लोमान्थाङ । मुस्ताङ गल्फ च्यालेन्ज उपाधि साविक विजेता श्याम तामाङले जितेका छन् । ‘स्टेबल फोर्ड’ फम्र्याटमा खेलाइएको खेलमा उनले एक…
सहारा क्लब पोखरा अध्यक्षमा केशवराज बराल

आदर्श समाज सम्वाददाता भाद्र ३१, २०८०

पोखरा । सहारा क्लब पोखराको अध्यक्षमा केशवराज बराल निर्वाचित भएका छन् । क्लबको शनिबार १३ औं अधिवेशनले आगामी २ वर्षे…
मीनबहादुर गुरुङ भाद्र ३०, २०८०

पोखरा । जतिबेला मातृभूमि नेपाल भुकम्पले थिलथिलो हुने गरी ढलेको थियो । व्यक्तिका घरदेखि सरकारी संरचना र विद्यालयहरूमा अपत्यारिलो क्षति…