पोखरा । सहारा क्लब पोखराले आफ्नो वार्षिकोत्सव अवसरमा पोखरा बसपार्क क्षेत्रमा बृहत् सरसफाइ गरेको छ । बिहीबार भएको बृहत् सरसफाइ कार्यक्रमबाट एक गाडी फोहोर संकलन गरिएको क्लब अध्यक्ष हरिराम गुरुङ (सुरज) ले बताए ।

पोखरा ९ का वडा सदस्य नन्दुराम गिरीले सफाइका सामग्री क्लब अध्यक्ष सुरज, कार्यक्रम संयोजक ज्योति केसी लगायतलाई हस्तान्तरण गरे । सफाइ अभियानमा पूर्व अध्यक्षहरु, क्लबका पदाधिकारी, सदस्य तथा स्थानीयको सहभागिता रहेको वरिष्ठ उपाध्यक्ष केशवराज बरालले बताए । क्लबले शुक्रबार पोखरामा बृहत् रक्तदान गर्ने भएको छ । क्लबले ३० भदौमा स्थापनाको रजत जयन्ती मनाउँदैछ ।