पोखरा । शिक्षाशास्त्र संकाय पृथ्वीनारायण क्याम्पस, पोखराले शिक्षा महाविद्यालय (कलेज अफ एजुकेसन) को स्थापना दिवसका अवसरमा आइतबार क्याम्पस परिसर सरसफाइ तथा हाजिरीजवाफ प्रतियोगिता गरेको छ । शिक्षाशास्त्र संकायका प्राध्यापक र विद्यार्थीले क्याम्पस परिसर तथा क्याम्पसबाहिर क्याम्पसको तल्लो गेटदेखि माथिल्लो गेटसम्मको सडक सरसफाइ गरिएको थियो ।

शिक्षाशास्त्रमा स्नातक र स्नातकोत्तर तहमा पढ्ने ११ वटा समूहबीच गराइएको हाजिरीजवाफ प्रतियोगितामा ललित पौडेल, निराजन थापा र सुस्मिता पौडेलको समूह प्रथम भएको थियो ।

ओसन पौडेल, श्रवण सुवेदी र कमलमणि अर्यालको समूह द्वितीय तथा कौशिला पुन मगर, सुनिता सापकोटा र तुलसी घर्तीको समूह तृतीय भए । प्रथम, द्वितीय र तृतीय स्थान प्राप्त गर्ने समूहलाई क्रमश: ८ हजार, ६ हजार र ४ हजार नगदसहित प्रमाणपत्र प्रदान गरिएको उप्रप्राध्यापक विष्णुप्रसाद शर्माले जानकारी दिए ।

कार्यक्रममा क्याम्पस प्रमुख प्राडा सरोज कोइरालाले क्याम्पसले विद्यार्थीको सर्वांगीण हित र प्राज्ञिक उन्नयनका लागि अध्ययन अनुसन्धानलाई महŒव दिएको स्पष्ट पारे । सहायक क्याम्पस प्रमुखहरू प्राध्यापक लालबहादुर कुँवर, मीनराज लम्साल तथा बोधराज ढकालले पनि धारणा राखेका थिए ।

उपप्राध्यापक कृष्णप्रसाद त्रिपाठी, डा. पीताम्बर पौडेल, शकुन्तला पंगेनी, गोविन्दप्रसाद गैरे, सञ्जीवराज खनालले सहजीकरण गरेको कार्र्यक्रम डा. पितृराज बास्तोलाले सञ्चालन गरेका थिए ।

२०१३ साल भदौ २४ मा खुलेको कलेज अफ एजुकेसनअन्तर्गत २०२३ सालमा पोखराको पृथ्वीनारायण क्याम्पसमा नेपाल र संयुक्त राज्य अमेरिकाको सहकार्यमा शिक्षा महाविद्यालय, शिक्षक शिक्षण केन्द्रको स्थापना भएको थियो । पछि २०२९ सालमा यसलाई शिक्षाशास्त्र अध्ययन संस्थान र २०३८ मा शिक्षाशास्त्र संकायको नाम दिइएको पाइन्छ । अहिले नेपालमा यसै नामबाट स्नातकदेखि विद्यावारिधिसम्म अध्ययनअध्यापन हुन्छ ।