पोखरा । माउन्ट अन्नपूर्ण मावि, नदीपुरमा कक्षा ११ र १२ का विद्यार्थीद्वारा गठित म्युजिक, आर्ट र लिट्रेचर क्लबको आयोजना पहिलो मास ट्यालेन्ट सो भएको छ ।

कार्यक्रममा नृत्य र गायन गरी २ विधामा कार्यक्रम भएको क्लब अध्यक्ष दीपेश आले मगरले बताए । नृत्यतर्फ पहिलो, दोस्रो र तेस्रो क्रमश: करुणा गुरुङ, साहिना गुरुङ र केरल गुरुङ भए । गायनतर्फ क्रमश: आशिक सुनार, भूमिका सुवेदी र सुशान्त गुरुङलाई सफलता मिल्यो ।

विजेताले प्रमाणपत्र र मेडल प्राप्त गरेका छन् । निर्णायकमा दविन गुरुङ र वीनित जोजिजु थिए । सो अवसरमा पोखरा सांगीतिक कलाकार संघ अध्यक्ष हर्क गुरुङ (भाइ), संघ सचिव गायक भाष्करध्वज श्रेष्ठको पनि सहभागिता थियो ।

कार्यक्रममा नेपाल ओलम्पिक कमिटी उपाध्यक्ष तथा विद्यालय निर्देशक तेजबहादुर गुरुङले विद्यालयमा गठन गरिएका क्लबहरूले आगामी दिनमा शिक्षा र समाजको क्षेत्रमा काम गर्दै जाने बताए ।

कार्यक्रममा विद्यालय प्राचार्य सहिन्द्रराज श्रेष्ठ, शैक्षिक निर्देशक अशोककुमार शाही, प्रशासक चित्रबहादुर गुरुङ, लेखा प्रमुख नवराज शर्मा, कक्षा ११, १२ मा अध्यापन गर्ने शिक्षक तथा विद्यार्थीको सहभागिता थियो । गण्डकी प्रदेशकै पहिलो निजी विद्यालय माउन्ट अन्नपूर्णमा म्युजिक, आर्ट र लिट्रचर क्लब, सोसल सर्भिस क्लब र गेम्स एन्ड स्पोर्टस् गरी ३ क्लब छन् ।