पोखरा । पोखरा महानगरपालिका २६ का वडा सदस्य सुदिपराज ढुंगानालाई पितृशोक परेको छ । उनका पिता कृष्णप्रसाद ढुंगानाको ८१ वर्षको उमेरमा मंगलबार पोखरा २६, जल्धारेस्थित आफ्नै निवासमा निधन भएको हो ।

ढुंगाना लामो समयदेखि निमोनियाबाट ग्रसित थिए । लामो समय शिक्षण पेसामा बिताएका उनी सामाजिक कार्यमा समेत उत्तिकै सक्रिय थिए । उनका २ छोरा इन्जिनियर जनकराज र सुदीप, ३ छोरी शोभा, प्रभा र शान्ति छन् । ढुंगानको अन्त्येष्टि बुधबार बिहान रामघाटमा गरिने भएको छ ।