पोखरा ।  नेकपा एमालेका उपाध्यक्ष एवं प्रतिनिधि सभा सदस्य सुवास नेम्वाङको निधन भएको छ।

मंगलबार राति १ बजे उनको हृदयघातबाट निधन भएको हो। बालुवाटर बस्ने उनलाई हृदयघात भएपछि तत्काल महाराजगन्जस्थित टिचिङ अस्पताल लगिएको थियो।

अस्पतालमा पुर्‍याउँदा उनको निधन भइसकेको बताइएको छ।७४ वर्षीय

पूर्व सभामुख तथा संविधानसभाका पूर्व अध्यक्षसमेत रहेका नेम्वाङ २०५६ सालयता इलामबाट लगातार चुनाव जितेर सांसद रहँदै आएका थिए। ७४ वर्षीय नेम्वाङ  नेकपा एमाले संसदीय दलको उपनेता हुन् ।

प्रधानमन्त्री पुष्पकमल दाहाल प्रचण्ड, प्रतिनिधि सभाका सभामुख देवराज घिमिरे, एमाले अध्यक्ष केपी शर्मा ओली टिचिङ अस्पतालमा पुगिसकेका छन्।

उनको शव  केहीबेरमा पार्टी कार्यालयमा पुर्‍याइनेछ । १२ बजेपछि श्रद्धाञ्जली कार्यक्रम राखिने छ ।

नेम्वाङका २ छोरा विदेशमा रहेकाले उनीहरू आएपछि मात्र अन्त्येष्टि गरिने एमालेले जनाएको छ ।