पोखरा । मैदान आमा समूहको २७ औं वार्षिक साधारण सभा शनिबार भएको छ । कार्यक्रममा पोखरा १६ का वडाध्यक्ष अमृत शर्मा तिमिल्सिनाले समाज परिवर्तन र विकासमा आमा समूहले खेलेको भूमिका महत्वपूर्ण रहेको बताए ।

कार्यक्रममा विशेष अतिथि वडाका जनप्रतिनिधिहरु रामचन्द्र आचार्य, राजकुमारी बानिया, रामकाजी गुरुङ र मञ्जु नेपाली लगायत विभिन्न संघसंस्थाका व्यक्तित्वहरूको उपस्थिति थियो । कार्यक्रममा आर्थिक प्रतिवेदन संस्थाका कोषाध्यक्ष राधिका घर्ती क्षेत्रीले र प्रगति विवरण संस्थाका सचिव शिवशोभा बस्नेतले प्रस्तुत गरेका थिए । मैदान आमा समूहकी अध्यक्ष मनु बस्नेतको सभापतित्वमा भएको कार्यक्रममा स्वागत संस्थाका उपाध्यक्ष ज्योति बस्नेतले राखेका थिए ।