पोखरा । दीप युनाइटेड क्लबले शनिबार पोखरामा गरेको रक्तदान कार्यक्रममा ५४ युनिट रगत संकलन भएको छ । क्लबका अध्यक्ष खेमराज आचार्यको सभापतित्वमा भएको कार्यक्रममा पोखरा १६ का वडाध्यक्ष अमृत शर्मा तिमिल्सिनाले पहिलो रक्तदाता रामबहादुर बानियालाई ब्लड ब्याग हस्तान्तरण गरी सुरुआत गरे । बानियाले अहिलेसम्म ४९ औंपटक रक्तदान गरे ।

कार्यक्रममा वडा सदस्य रामकाजी गुरुङ, राजकुमारी बानिया, रामचन्द आचार्य, मन्जु बस्याल, विभिन्न संघ संस्थाका अध्यक्ष एवं प्रतिनिधि लगायत समाजका विशिष्ठ व्यक्तित्व सहभागी थिए । कार्यक्रम संयोजक एवं क्लबका उपाध्यक्ष विष्णुकुमारी गुरुङले स्वागत गरेको कार्यक्रममा सञ्चालन सचिव भीमप्रसाद आचार्यले गरेका थिए ।

वडाध्यक्ष शर्माले सामाजिक क्षेत्रमा क्रियाशील संस्था दीप युनाइटेड क्लबले उत्कृष्ट कार्य गर्दै आएको भन्दै प्रशंसा गरे । न्यु दीप आमा समूहकी अध्यक्ष कोपिला आचार्य, पहिलो रक्तदाता रामबहादुर बानिया, जोगिमणि टोल विकास संस्थाका अध्यक्ष गोपाल गिरी, वडा सदस्य रामचन्द्र आचार्यले शुभकामना व्यक्त गरे । सूर्योदय सेकेन्डरी स्कुलको सहयोगमा भएको कार्यक्रममा रक्तसञ्चार केन्द्र रामघाट पोखराको प्राविधिक सहयोग गरेको थियो ।